【唔係天生瘦】每日瞓少一粒鐘 溫碧霞勤做運動喼24吋腰

溫碧霞（Irene）周末在社交網晒完出海在遊艇上的比堅尼照後，決定發片展示如何保持24吋纖腰。
53歲的Irene之所以身材及樣貌都保持長青，全靠每天都好勤力做瑜伽及踩單車，之前就算幾忙都好，都必定提早一小時起床做運動才開始工作。
近日因為新冠肺炎疫情，Irene做個盡責良好市民響應政府限聚令，取消所有大型工作及聚會，Irene更加勤力做運動，每天在家中加倍操練兩小時瑜伽、踩單車及跳繩。

Irene強調本身都好容易肥，一直以來花了不少努力及汗水，她並公開操練出24吋纖腰的7個瑜伽招式：「之前去巴黎不停咁食，肥咗3磅返港變到105磅，條腰即刻粗咗1吋，最近好勤力做運動才返回102磅，返到之前的24吋腰。其實我唔係天生瘦，我都好容易肥，全靠每日我好努力做瑜伽、踩單車及跳繩，亦不會飲甜嘢，每日飲好多熱檸檬水，只要有恆心，每日瞓少一個鐘用來做運動，大家都可以有24吋腰。」