【頭條獨家】處男執導音樂會 羅啟聰會守規矩保持距離

石詠莉（Sukie）、丁悅及二胡琴演奏家陳璧沁將於周四(4月2日)晚上9時半開始喺一所共享空間舉行網上直播《GIG in da Sky》音樂會，由《全民造星》出身的「狗毛」羅啟聰（Kis）處男執導，音樂人方樹樑是創辦人。音樂會雖然不設現場觀眾，但他們都好自律，唔會有咁多人聚集，KIS表示，到時Artists與樂手各人保持2-3米距離，當晚共享空間不設租客，全場得返「自己友」，就算負責台燈聲嘅幕後工作人員都分批去處理，每組只限4人。

Kis話，希望市民喺足不出戶嘅情況下，也能喺屋企享用免費音樂會，藉此為所有人打打氣。KIS笑說：「因為我一直有好多天馬行空構思，佢哋聽完覺得好啱用，好欣賞我嘅勇氣同創意，就邀請我做導演。今次好多位演出者都係我前輩，Haha！我以學習嘅心態去邊學邊做，勇敢去試。見到佢哋演出，我作為歌手當然會『手痕』，但我希望實現做到最好嘅Promise，唔希望參與演出，只想放精神喺每一個細節中。」