【頭條獨家】進擊的打女楊柳青街頭摸男友調情

2020-01-09 23:00

「新一代打女」32歲楊柳青（Wiyona）唔只打得，仲有樣有身材，32B配Fit爆身形啱啱好。曾經同唐文龍傳緋聞嘅Wiyona最近轉咗口味，情傾老外，繼之前Set晒頭、化行妝兼着白色貼身Top，一身進擊Look喺街頭激咀老外後，日前再喺銅鑼灣見兩人蹤影，Wiyona對老外男友流晒口水，講講吓嘢都忍唔住伸手摸向男友，睇男友個冧樣，都被Wiyona熱情融化了。採訪:梁志明

早前楊柳青在TVB劇集《解決師》飾演性感女秘書Tracy，一場大露背出浴戲加三點式色誘戲，睇到猛男心郁郁。Wiyona打起嚟好威猛，原來對住男友一樣進取。

男友冧到爆
日前傍晚六時多，楊柳青和老外男友及一位女性長輩在銅鑼灣三人行，帶住黑色口罩的楊柳青忙住打電話幫長輩call車，最搞鬼係，趁住講電話嗰分幾鐘，楊柳青都出擊喪摸男友膊頭、手仔，男友見楊柳青咁Hot，即以心心眼回應，絕對冧到爆。摸完一輪，Wiyona好似撻著咗一樣，講完電話仲手舞足蹈，表情多多，好鬼生猛。