【最強阿媽】首集全球讚好 《無聲絕境2》繼續嚇你兼解謎

18年上映的《無聲絕境》被「恐怖大師」Stephen King大讚為佳作，因為一家之主即導演本人在第一集中已因救仔女而犧牲，所以《無聲絕境2》就由最強阿媽Emily Blunt孭重飛，負責帶住Noah Jupe、Millicent Simmonds及新生BB為保命而遷離舊地，但咪以為上集已搵到對冧外星怪獸嘅方法就唔使驚，學洪師傅話齋，無咁易嘅。

最強阿媽希望搵到一個安全地方繼續生活，唔覺意闖入Cillian Murphy 居住嘅地方，發現外星怪獸根本周圍都有，同時透過Emily及Cillian嘅對話，明白到通過聲音嚟狩獵嘅外星怪獸，並非佢哋求生嘅唯一威脅。另外，Emily提到「出面仲有好多人值得被救」，但Cillian唔認同，更持反調，「活下來的並不值得被救」，暗示生還者即人類較怪獸更恐怖，然後就見到最強阿媽拎起支長槍，但呢個謎要等到3月先可以解開嘞。