【頭條獨家】50歲敢於新嘗試張可頤晉身製作公司CEO捧新人

2019-12-22 21:00

郭可盈、蔡少芬、黎姿及張可頤屬「千禧年代TVB四大當家花旦」，50歲張可頤發展都不弱，做埋老闆捧新人。

90年代TVB的當紅花旦郭可盈、黎姿、蔡少芬個個獨當一面，𠵱家全部上晒岸做咗索媽，生活幸福美滿。至於同期的高質「黃金剩女」張可頤(Maggie)都好架勢，近日她宣布聯同商界女強人Laura合作搞製作公司，晉身CEO行列，已簽咗18歲脆卜卜華裔新人女歌手陳涵林，Maggie仲話唔排除力捧自己！榮升老闆的Maggie滿足地說：「50歲仲有突破，全因單身冇乜負擔。」採訪：方騫平化妝：Gary Chung(張可頤) 髮型：Torry and May Lin 化妝：Meegan Seak(陳涵林)髮型：Steve Shek @HAiR 場地：富豪九龍酒店

「千禧年代TVB四大當家花旦」之一嘅張可頤攞過視后，亦患過抑鬱症，被迫停工兩年。2012年轉投港視，獲王維基封為「一姐」及「鎮台之寶」，近年張可頤養尊處優，產量唔多，只接喜歡的工作，如今年5月首次挑戰舞台劇《但願人長久》。最近她又一突破，就係染指商界，跟Laura學做生意，一齊開辦製作及經理人公司「涵耀星際」，擔任製作部的Production CEO，仲簽埋華裔女歌手陳涵林（Karen）。

絕無走樣
張可頤𠵱家嘅身形同年輕時比較，絕對無走樣。 — 絕無走樣張可頤𠵱家嘅身形同年輕時比較，絕對無走樣。

音樂才華
Karen只得18歲，但唱得好掂，她8歲開始學音樂、鋼琴及舞蹈，曾跟杜麗莎老師學聲樂。 — 音樂才華 Karen只得18歲，但唱得好掂，她8歲開始學音樂、鋼琴及舞蹈，曾跟杜麗莎老師學聲樂。

勁讚新人有音樂天份
張可頤為支持公司第一位「親生女」，決定重開金口跟陳涵林合唱歌曲《風給的約定》(合唱版)，計落自從喺2003年同馬浚偉幫TVB劇集《金牌冰人》唱插曲《情牽一線》後再錄歌。她說：「今次合唱幾新鮮，可唱出兩個唔同背景、年紀、環境女性心聲，唱到唔同味道。」原來呢位小妹妹陳涵林精通音樂來頭唔少，Maggie就勁讚她既有音樂天份，又勤力，而且有熱誠，她有感而發：「𠵱家歌手有talent未必有心，有心又未必有talent，有心有talent未必有機遇，其實呢個圈要百配。」現正於美國讀高中的Karen都想在香港發展，而她最愛「巨肺」G.E.M.(鄧紫棋)，覺得對方同樣有唱歌天份。Karen又乖巧話兩個老闆都好好人，唔會鬧佢，似足一個家庭咁。

接受挑戰
今年5月，張可頤首次挑戰舞台劇《但願人長久》，同江美儀拍住上，滕麗名到場探班。 — 接受挑戰今年5月，張可頤首次挑戰舞台劇《但願人長久》，同江美儀拍住上，滕麗名到場探班。

曾出唱片
其實張可頤喺1990年代以花生女郎（PP Gals）組合出過唱片，後被男友推薦參加港姐競選，絕對係唱得之人。 — 曾出唱片其實張可頤喺1990年代以花生女郎（PP Gals）組合出過唱片，後被男友推薦參加港姐競選，絕對係唱得之人。

人生不停有轉捩點
50歲的張可頤Keep住做運動，所以身形好fit，問會否捧返自己，考慮吓性感演出？Maggie就搞爛gag反問：「係咪捧痰罐呀？呢個世界啲嘢又講唔埋㗎喎，其實我又唔敢開空頭支票話點點點，既然呢個世界有咁多可能性嘅話，試囉，做囉！但唔係講就做到，要機緣，只要啱自己，點解唔唱啫？亦唔會畀好大壓力喺唱歌方面。」成為CEO後，Maggie唔排除將來多啲做幕後策劃減少拍戲，不過公司有經理人部門，唔使她親自出馬管理，亦有機會物色啱嘅台前幕後合作。對於50歲先有人生轉捩點，她說：「只要肯把握同創造，人生係不停會有轉捩點，我嘅優勢係單身，改變對我冇乜負擔，咁我咪可以去實踐想做嘅嘢囉，50歲呢個年紀先有咁多突破，感謝神同我開路，我又開咗腦肯接受新事物啦，其實每個人際遇唔一樣，只要兩樣都開咗咪ok囉。」