【头条独家】50岁敢于新尝试张可颐晋身制作公司CEO捧新人

2019-12-22 21:00

郭可盈、蔡少芬、黎姿及张可颐属「千禧年代TVB四大当家花旦」，50岁张可颐发展都不弱，做埋老板捧新人。

90年代TVB的当红花旦郭可盈、黎姿、蔡少芬个个独当一面，𠵱家全部上晒岸做咗索妈，生活幸福美满。至于同期的高质「黄金剩女」张可颐(Maggie)都好架势，近日她宣布联同商界女强人Laura合作搞制作公司，晋身CEO行列，已签咗18岁脆卜卜华裔新人女歌手陈涵林，Maggie仲话唔排除力捧自己！荣升老板的Maggie满足地说：「50岁仲有突破，全因单身冇乜负担。」采访：方骞平化妆：Gary Chung(张可颐) 发型：Torry and May Lin 化妆：Meegan Seak(陈涵林)发型：Steve Shek @HAiR 场地：富豪九龙酒店

「千禧年代TVB四大当家花旦」之一嘅张可颐攞过视后，亦患过抑郁症，被迫停工两年。2012年转投港视，获王维基封为「一姐」及「镇台之宝」，近年张可颐养尊处优，产量唔多，只接喜欢的工作，如今年5月首次挑战舞台剧《但愿人长久》。最近她又一突破，就系染指商界，跟Laura学做生意，一齐开办制作及经理人公司「涵耀星际」，担任制作部的Production CEO，仲签埋华裔女歌手陈涵林（Karen）。

绝无走样
张可颐𠵱家嘅身形同年轻时比较，绝对无走样。 — 绝无走样张可颐𠵱家嘅身形同年轻时比较，绝对无走样。

音乐才华
Karen只得18岁，但唱得好掂，她8岁开始学音乐、钢琴及舞蹈，曾跟杜丽莎老师学声乐。 — 音乐才华 Karen只得18岁，但唱得好掂，她8岁开始学音乐、钢琴及舞蹈，曾跟杜丽莎老师学声乐。

劲赞新人有音乐天份
张可颐为支持公司第一位「亲生女」，决定重开金口跟陈涵林合唱歌曲《风给的约定》(合唱版)，计落自从喺2003年同马浚伟帮TVB剧集《金牌冰人》唱插曲《情牵一线》后再录歌。她说：「今次合唱几新鲜，可唱出两个唔同背景、年纪、环境女性心声，唱到唔同味道。」原来呢位小妹妹陈涵林精通音乐来头唔少，Maggie就劲赞她既有音乐天份，又勤力，而且有热诚，她有感而发：「𠵱家歌手有talent未必有心，有心又未必有talent，有心有talent未必有机遇，其实呢个圈要百配。」现正于美国读高中的Karen都想在香港发展，而她最爱「巨肺」G.E.M.(邓紫棋)，觉得对方同样有唱歌天份。Karen又乖巧话两个老板都好好人，唔会闹佢，似足一个家庭咁。

接受挑战
今年5月，张可颐首次挑战舞台剧《但愿人长久》，同江美仪拍住上，滕丽名到场探班。 — 接受挑战今年5月，张可颐首次挑战舞台剧《但愿人长久》，同江美仪拍住上，滕丽名到场探班。

曾出唱片
其实张可颐喺1990年代以花生女郎（PP Gals）组合出过唱片，后被男友推荐参加港姐竞选，绝对系唱得之人。 — 曾出唱片其实张可颐喺1990年代以花生女郎（PP Gals）组合出过唱片，后被男友推荐参加港姐竞选，绝对系唱得之人。

人生不停有转捩点
50岁的张可颐Keep住做运动，所以身形好fit，问会否捧返自己，考虑吓性感演出？Maggie就搞烂gag反问：「系咪捧痰罐呀？呢个世界啲嘢又讲唔埋㗎喎，其实我又唔敢开空头支票话点点点，既然呢个世界有咁多可能性嘅话，试罗，做罗！但唔系讲就做到，要机缘，只要啱自己，点解唔唱啫？亦唔会畀好大压力喺唱歌方面。」成为CEO后，Maggie唔排除将来多啲做幕后策划减少拍戏，不过公司有经理人部门，唔使她亲自出马管理，亦有机会物色啱嘅台前幕后合作。对于50岁先有人生转捩点，她说：「只要肯把握同创造，人生系不停会有转捩点，我嘅优势系单身，改变对我冇乜负担，咁我咪可以去实践想做嘅嘢罗，50岁呢个年纪先有咁多突破，感谢神同我开路，我又开咗脑肯接受新事物啦，其实每个人际遇唔一样，只要两样都开咗咪ok罗。」