苟芸慧捲「垃圾裙」風波 經理人回應望勿胡亂揣測

苟芸慧近日捲入「垃圾裙」風波，事緣曾與胡杏兒夾份開設自家品牌婚紗店的設計師姚子裕，日前在社交網爆料有女藝員要求贊助晚裝，但要求多多，又向他人抱怨他的設計是垃圾，網民就從留言中猜測該女藝員是苟芸慧。
苟芸慧則連續兩日在社交網發文似若有所指，先是留言「如果心胸不似海，又怎能有海一樣的事業」，今日又留言「己所不欲勿施於人」。苟姑娘經理人若蘭就事件回覆：「因為苟姑娘認識杏兒，杏兒知道佢要結婚，就話可以幫忙sponsor晚裝裙，但杏兒中途退出咗間公司，之後雙方都係由公司同事去follow up件事。其實苟姑娘一直覺得此事莫名其妙，唔明點解有呢啲新聞出現，本來不想回應，但不想事件繼續發酵，希望平息風波。」

對於有傳聞苟姑娘提及「垃圾」二字？若蘭說：「苟姑娘都唔係呢啲人，如果佢唔鍾意條裙，當日就唔會着啦，今次回應，係希望大家唔好再講胡亂揣測。」