聞無綫藝人准亮相友台　李天翔暫不考慮回巢

已離開無綫的李天翔今日到電台接受訪問，他直言受近期社會狀況影響，導致工作量大減，問到會否感到離巢時機欠佳？他說：「冇，因當日拍劇集《解決師》時決定咗要離開，履行合約後同自己講，無論今年合約點樣都好都會離開，主要係為自己嘅後路着想，我唔年輕已40幾歲，其實無綫有搵我續約更加人工，不過要簽約3年，我就諗再簽3年冇起色之後再外闖，我就係新人要試，如果娛樂圈唔容納我，我就要轉行要搵食，若我仲係2、30歲會簽約。」

那麼是否在無綫感覺浪費時間？李天翔否認：「冇，兒童節目時搵過錢，冇無綫就冇『御用強姦犯』同『反派王』呢個稱號。（現在是否也被局限這類角色？）暫時係，冇人搵我演好人。（想試甚麼角色？）想拍鬼片。」問到可知道近日無綫推出新合約，簽約藝人可以到其他電視台亮相？他稱昨天也被傳媒問及這問題，他也感到很得意，追問看到這新約條件是否回巢機會大了？李天翔表示暫時不會，因他離開不是這原因，並謂早前劉家豪曾找他參演劇集《逆天奇案》，無奈與電影工作撞期，是否無綫未必能給予他好價錢？李天翔說：「上次仲未傾到價錢問題，如果接拍嘅話一定係價錢合適先接。」