【42度妝都溶】拍《阿爺廚房》外景熱到癲鼎爺怕爆血管

2019-12-03 16:22

李家鼎與譚玉瑛出席新一輯《阿爺廚房》的記者會，二人透露為節目到澳門、順德及南海拍外景，當時正值夏天，鼎爺表示：「42度，好似麵包爐，攝影師都話攝影機熱到郁唔到。」譚玉瑛指鼎爺更把光頭貼到大型冷氣機上吹，問到是否怕中暑？鼎爺說：「我係怕爆血管，見到人已經有2、3重影，本身我好怕吹風。（下次外景咪搞？）無呢回事，我哋簽咗賣身契！」

譚玉瑛難忘在荷花池生食蓮藕，鼎爺笑言二人在拍攝時好似「採紅菱」一樣浪漫，但畫面看起來像兩隻妖怪，譚玉瑛說：「真係好難得，拍到妝都溶，第1次有化妝師幫我撲返酒店拎化妝品。」鼎爺指新一輯以家常菜為主，但仍被拍檔指他很講究，鼎爺指父親教他做菜要依順序，若錯了便要重做，自小沒稱讚過他一句，但現在便明白其苦心。