【43個獎照頒】未能確保場內外安全 叱咤頒獎禮2019宣布取消　

鑒於社會局勢不穩，繼早前新城「勁爆頒獎禮」取消實體頒獎禮後，商台DJ謝茜嘉今日於節目中無奈宣布，明年1月1日舉行的《叱咤樂壇流行榜頒獎典禮》亦宣告取消，她說：「商業電台一直堅定不移支持本地樂壇，並以獎項嘉許努力不懈嘅音樂人，感謝樂迷一直支持每年1月1日嘅《叱咤樂壇流行榜頒獎典禮》，多個月以來，我哋努力研究唔同嘅方案，希望能夠確保2020年1月1日頒獎禮當日所有參與者場外場內嘅安全，抱歉至今係仍未搵到最妥善嘅方法，所以只好無奈取消原定於灣仔會展新翼舉行嘅頒獎典禮，並改以其他形式頒發全數共43個叱咤獎項。」

至於，已開始的樂迷投票部份會繼續進行，即「我最喜愛的男歌手」、「我最喜愛的女歌手」及「我最喜愛的組合」，如常於網上投票，而「我最喜愛的歌曲」的現場投票部份，將改為12月23至27日於網上進行。對於商台取消頒獎禮，華納唱片公司表示：「尊重商台的決定！」

此外，殺入女歌手最後五強的方皓玟回覆傳媒：「叱咤樂壇頒獎禮係一個傳統，收到取消嘅消息固然失望。每年1月1號到灣仔會展出席『叱咤樂壇頒獎禮』是樂壇嘅盛事，唔能夠現場進行當然少咗好多感動嘅畫面，但係我相信歌手們，包括我自己，製作音樂嘅初衷從來都唔係為咗獎項。獲獎係錦上添花，但更重要係作品可以產生共鳴感動樂迷。希望大家繼續支持香港歌手以及廣東歌。」AGA（江海迦）則謂：「頒獎禮算係每年嘅盛會，難免會覺得可惜，但明白同尊重大會決定。」

至於無綫方面，企業傳訊部回應傳媒稱：「無綫之《2019年度勁歌金曲頒獎典禮》將如常於明年1月舉行。」