攝影大師操刀再影「婚紗相」超儀讚老公比木村高檔靚仔

2019-11-07 19:23

今日何超儀跟著名攝影大師Pattie Boyd出席《George，Eric and Me》攝影展記者會，原來超儀首次擔任影展策劃人，展出Pattie為60年代紅星拍攝的珍藏照；當中還有數幅由Pattie親自操刀為超儀兩公婆影的靚相，因當年結婚沒有刻意影婚相，所以超儀形容是新婚紗照。

何超儀笑言今次是她「屈」Pattie辦影展，Pattie則「屈」子聰拍照，因為當日Pattie影她時邀請埋子聰一齊合照，原先子聰很怕羞的推搪，最後Pattie都令他就範。Pattie大讚二人是型男靚女，超儀即向Pattie大讚老公係型男說：「多年前子聰做模特兒時被封為港版木村拓哉，只係𠵱家體型大咗啲啲。不過我覺得老公比起木村個樣高檔啲、大隻啲，而且靚仔啲。」超儀表示將會自掏腰包買下自己的靚相，並指當中有一張黑色透視上衣真空上陣，不過已修圖看不到重要部位。