漏口風造人成功　羅仲謙交由楊怡公布喜訊

羅仲謙和岑麗香今日出席珠寶品牌活動，上月2日謙謙與太太楊怡結婚3周年，謙仔恨生仔恨到出口，活動上他趁機向香香取生仔經，想問索媽如何可以生到仔？語畢，又笑說沒理由向女人請教如何生仔呢。而接受訪問時，謙仔漏口風似快將報喜。

最近謙仔忙無綫新劇《木棘證人》，上月結婚3周年也未能慶祝。問到稍後會否出埠補祝順道造人？他卻說：「唔使喇，要造人屋企都可以造得到。」言下之意是否已成功造人，所以太太要留在家中安胎？他避談道：「就算係成功都唔會講住，要3個月後先可以講。（咁係咪快將有喜訊公布呢？）唔知......要問太太。」繼而扯開話題稱因開工已30多個小時沒跟太太見面、好陰公，稍後又要到內地拍劇2、3個月，酬金更相當吸引。幸好是到廣東省地區，問到期間可會趕返爭取和太太見面機會，爭取造人成功率？他大笑說：「不過返到香港都攰，仲邊有力氣造人。」話雖如此，他堅持搵食、生B兩方面都要取得平衡，搵食同時、生B計劃都要實行，太太不肯給他停工專心造人，笑言楊怡會用腳踢他快出去搵錢，搵定奶粉錢先，又笑言太太如半個經理人，會幫他衡量工作和價錢是否值得去做。

獲楊怡百份百信任
提到他跟張秀文拍《木》劇期間傳緋聞，令楊怡親身探班監場，謙仔否認傳聞，形容得啖笑，強調太太只到場一次，並且只打個招呼沒有落車，因為楊怡好信任他，況且最貼身的助手都是她的人，所以就算身痕只可以自己𢱑，或者叫太太𢱑，總之不可搵第三個人𢱑，因為沒有越軌的心，就不會有這方面的壓力。