《解決師》收視好 陳自瑤再晒性感相賀老公
2019-11-06 21:51 
由視帝同視后王浩信及唐詩詠狽飛的TVB新劇《解決師》首周收視獲27點，好快追貼《金宵大廈》的29點收視，觀眾好鍾意，網民反應亦非常好。
雖然屢傳陳自瑤（YoYo）同王浩信婚變，但索爆人妻YoYo今午喺IG貼出兩張三點式全身泳照賀老公新劇收視高收，性感「贈興」行動得到好多Fans支持，雖然上月尾已Post過同款泳衣相，但今次坐喺石灘上唔只大晒驕人上圍，仲show埋長腿及黃蜂腰，誘人度加強。YoYo更留言：「願心，如海那般平靜，如天那邊遼闊，願清風送爽，願一切都如大自然般，簡單，純粹.....(陽光與海灘)。」仲hangtag#loveyo#enjoylive#simpleisthebest。
點知老友蕭正楠笑鬼佢：「所謂的簡單，純粹係Show off（炫耀身材）。」搞到YoYo嬲嬲豬以藐爆圖像回應，好彩有陳敏之𠱁返，大讚她：「靚成咁。」姚子羚附和話：「噴血啦。」林子善則笑她：「女神又發功。」
關鍵字
最新回應