【石棺藏屍案】指死者多次問借錢質疑騙財 阿T自辯：阿豪曾講要老笠阿J

2016年荃灣工廈Dan6石棺藏屍案今在高等法院續審，控方舉證完畢，首被告阿T出庭自辯，提到阿J案發前多次要求借錢，但阿T覺得對方似是騙財，並與另外兩被告商討，他指次被告阿豪稱「唔好借錢畀佢，老笠佢一次啦！」，之後阿T則提議到觀塘海濱「畀阿豪老笠一次」，惟阿T其後卻解釋「嗰刻我覺得老笠係要整蠱佢」，自己無打算參與打劫阿J。

三被告依次為曾祥欣（阿T）、劉錫豪（阿豪）及張善恒（阿K），3人被控於2016年3月4日在荃灣灰窰角街DAN6工廈單位內，謀殺男子張萬里（阿J）。

現年30歲，身形瘦小的阿T出庭自辯。他解釋「There」其實只是一個聊天群錢組，本身為「T.here」，即為阿T在群內。他對於「阿J個人頭值3000萬美金」一說澄清指「阿J個人值3000萬美金」，但表示不過為開玩笑，對象甚至講過教宗、歐巴馬等人，沒有特別意思。

他自言與死者阿J關係為「好好嘅生意拍檔」，解釋兩人的「生意運作」，即由他介紹人到財務公司借貸，而阿J則將款項用作炒窩輪投資用，亦會分錢予阿T。被問及與小草的關係，阿T表示兩人是好朋友，自小草到Dan6同住兩人成為「契爺契女」，他又坦言2014年雨傘革命相識時曾經喜歡過小草。

他憶述阿J曾向他提及投資澳洲房地產生意，除了向他借錢外，亦有問阿T可否向金主借錢。阿T當時認為對方口講無憑，著他准備文件再商談。至3月初，阿J又約阿T到酒吧商討投資計劃，阿豪和阿K其後亦到酒吧，但最終亦沒有成事。3被告返回Dan6途中，阿豪稱「冧佢唔到，我哋拎唔到錢」，但阿T就指因飲了酒，忘記阿K講過些甚麼，當時意會「冧」是指「整醉」阿J。

直到3月3日早上，阿J再致電給阿T，表示若不入帳就會「彈票」，則由最初表示要借500萬，慢慢改口借100萬、50萬都可。至同日晚上，阿J表示只借20萬元亦可，阿T遂與另外兩被告說「覺唔覺阿J好似呃緊人？」。阿K回應「都應該係呃你㗎啦，唔好借錢畀佢算數啦」，阿T指自己打算「整蠱」對方，而阿豪則表示「係啦，唔好畀錢佢，老笠佢一次」。

法庭記者：陳楚琨