為拍《解決師》日打夜打 陳志健打到叫救命
2019-11-05 13:04 
TVB劇《解決師》熱播中，王浩信因為要保護唐詩詠，再次捲入黑社會鬥爭，並不斷遇上由陳志健(Otto)飾演的身手敏捷解決師S。Otto在劇中主力係要不停同王浩信對打，為演好打戲，兩人早在開拍前兩星期已經埋位練打，Otto說：「導演想我哋有類似特工嘅埋身打，好似手肘同手肘互格，所以拍之前特別抽時間練，希望打戲俾到觀眾新鮮感。」
不過解決師S在劇中身份好神秘，每次打都必須蒙面，所以呼吸較正常困難，加上當時又剛巧有《鐵探》及《神探大戰》兩劇在身，睡眠不足下，一場雨中跟王浩信的對打戲，拍到Otto覺得好吃力。
另昨晚Otto首次出場，首個任務就係要是殺死羅樂林，Otto即被太太羅苡之投訴，「佢係咁問我點解要殺佢爸爸，對唔住劇情需要，哈哈！我叫佢問監製。」而Otto和外父同是10月生日，二人上周齊齊慶祝互派利是，非常搞笑。
關鍵字
最新回應