【頭條獨家】凍齡老公大馬開戲 袁詠儀陪「前世情人」拍拖配眼鏡

上月齊齊踏入「24對」嘅恩愛夫婦張智霖和袁詠儀（靚靚），早前組團去杭州普陀山祈福後，近日凍齡人夫已飛去馬來西亞開拍新劇。日前下午，本報喺中環巧遇靚靚和餅印兒子張慕童（魔童），原來當日廿四孝媽咪專登帶阿仔連行幾間店配眼鏡。見乖仔主動面對鏡頭say hi，星媽笑得份外甜呀！   採訪 : 張詠森

Chilam和靚靚，早前約埋好友蔡一智和太太周雪芳兩對恩愛CP，加埋周汶錡等踏上一年一度嘅祈福之旅，齊齊到杭州普陀山祈福。Relax過後，Chilam近日已飛到大馬，聯同王浩信、黃宗澤和周秀娜等拍攝邵氏動作喜劇《非凡三侠》。

拉眼鏡柄試彈性
老公要開工，靚靚咪全職湊仔囉！日前下午3時，見靚靚和13歲兒子魔童齊齊穿上白色母子裝現身中環置地廣場。人妻陪乖仔入咗一間眼鏡店坐低揀眼鏡。見靚靚替兒子揀咗3、4款鏡框，然後再叫魔童自己試戴。星二代連試幾款，再拉開眼鏡柄check彈性，好搞笑。逗留15分鐘，兩母子再去同一間眼鏡舖嘅附近分店坐低再試，半小時就淨買個眼鏡框走人。

此時，靚靚發現有本報記者，微笑打招呼，同時魔童亦禮貌say hi。然後人妻透露買完鏡框，現再去附近嘅眼鏡舖配鏡片。只見二人又行到附近商場嘅眼鏡店配鏡片，搞足大半小時才走人。