被質疑晒舊照呃Like 索媽孫慧雪晒性感照反駁

37歲已為人母的孫慧雪（阿雪）早前透露，若40歲不走樣，會考慮再推寫真。近日，身形Fit到爆的她在IG上載多張性感相，卻被一眾網民質疑是晒舊照呃Like。阿雪今日發文一次過回應，指是新相，前幾日影㗎咋。又指她可能後生，陀B的時候個肚一定唔係好大，肥B唔肥人。阿雪就話，她已經37歲，就來4字頭，囝囝是38週出世都9磅，懷孕時體重達160磅，所以她覺得「女人要keep一定Keep到！」

她續指，「我最常聽到，就係有人話，真係好擔心keep唔到、會肥、會盤骨大、胸部會變型（形）⋯⋯講到好擔心同好似點都返唔到轉頭咁！仲聽到有人話大肚時諗住剩係食菜，因為怕肥！」她勸喻大家千祈唔好，懷孕時應該均衡飲食，「因為做媽媽只會怕一樣嘢，就係BB唔健康」，等生完B先慢慢keep都未遲，她都Keep到，大家都得。不少網民難以置信她已經37歲，就來4字頭，應該是27歲。