峇里公幹慶祝48歲生日 朱茵拎紙板面具：好掛住老公同囡囡

朱茵今日（10月25日）48歲生日，日前她遠赴印尼峇里島工作時，一班同事特別為壽星女舉行驚喜生日會，趁朱茵在化妝及換衫期間，精心佈置酒店房間。當她完成工作後，團隊從後捧出印有她大頭照的生日蛋糕，令朱茵驚喜不已。壽星女透露今年生日願望是年年豐足，世界和平，願大家開開心心。
公司同事心知朱茵離港工作難免會「思鄉病」發作，特別炮製了老公黃貫中（Paul）及女兒黃鶯的紙板面具，好讓兩父女能夠驚喜「現身」，隔空陪伴左右。思鄉心切的朱茵坦言：「好掛住老公同囡囡，呢個係我今年第二個生日會，第一個生日會佢哋已經出席唔到，今次佢哋又唔喺我身邊。」朱茵更一時感觸隔著鏡頭向老公及寶貝女示愛：「老公好掛住你呀，多謝你同寶貝女畀我嘅愛，帶畀我好大嘅庇護，同時亦畀咗一個家我。」幸好，最後朱茵能趕及完成手頭上的工作，在牛一前趕及回港與Paul及鶯鶯慶祝。

至於今年的生日禮物，朱茵透露早前到歐洲工作時已挑選了一份禮物給自己：「呢份禮物我當係老公送畀我，至於阿女喺我每次出埠前都會畫幅畫送畀我，呢啲咁珍貴嘅禮物，我會有個寶箱放晒阿女啲畫，同埋老公送畀我嘅情書。」提到生日慶祝活動，朱茵表示：「我會攬住媽咪啜啖先，因為冇佢就冇我，同埋會同屋企人食飯，最好就可以瞓個靚覺啦！」