做一日名媛好興奮 黃芷晴爆老竇黃日華𤓓事
2019-10-24 16:40 
黃芷晴今日出席《莎莎婦女銀袋日》的「帽飾工作坊」，對於可以學習以保鮮花做頭飾表示好高興，因為感覺升呢做了一日名媛。
黃芷晴提到媽媽好愛鮮花，所以會把握時間做多一個。談到父親黃日華可會送花給媽媽？她笑說：「我又有料爆喇！媽咪比較迷信，認為紅色唔旺佢。有次爹哋送咗紥花畀佢，入面有幾朵紅色，媽咪即刻鬧，搞到爹哋頭耷耷。」她再爆父親數日後送花「補鑊」，幸好給她過目，因花內亦夾雜了一朵紅色花！
問到男友可有送花，黃芷晴支吾以對。追問下，她才表示已分手了個多月，現在單身，她說「都係做嘢為先，大家係好朋友關係。」她透露因工作關係，兩人真的甚少見面，坦言男士事業心重都是好事。
關鍵字
最新回應