長野瘋狂浸溫泉 譚嘉儀讚D Cup周佩婷無得輸

因為替TVB剛播畢的熱播劇《金宵大廈》翻唱陳百強的《今宵多珍重》，譚嘉儀人氣大增。之前她就同D cup索女周佩婷（Angel）到日本富山、長野及立山黑部拍《3日2夜》，由於以親親大自然為主，水上活動唔多，噴血泳衣欠奉，32C譚嘉儀喺鏡頭前只係展現24吋小蠻腰，至於Angel身穿側面穿窿的火紅一件頭泳衣，微露包唔晒的「事業線」，仍然養眼。採訪：方騫平

《3日2夜》既有靚景，又有火辣身材靚女，剛推出的日本富山、長野篇輪到譚嘉儀及周佩婷showtime。譚嘉儀話此行主要係睇靚絕大自然景緻，如立山黑部秋天山景及行壯觀堤霸等，不過兩人都有包住毛巾浸溫泉，反而著泳衣機會唔太多，最難忘都係著住潛水衣款泳衣玩Flyboard，她表示好好玩。

Angel係言語治療師
對於無機會穿泳衣出鏡，譚嘉儀笑言可能監製怕佢着比堅尼會影響收視。「所以冇特別要求，只要大家舒服就得喇，今次冇機會著泳衣係小小可惜，我哋要玩反傳統咁先特別，今次同周佩婷好玩得埋，都希望再結伴。雖然浸溫泉時我哋冇玉帛相見，即使係包住毛巾都睇得出Angel身材好，又靚女，我呢啲梗係唔好出嚟獻醜，我負責玩㗎咋。」Angel就話唔介意喺節目中Show小小性感，想畀觀眾正面及健康開心形象，原來她除咗做藝人外，仲係言語治療師，幫小朋友、老人家解決溝通及吞嚥問題，她好希望兩份工作都得到發揮：「做多啲唔同種類節目，多發展才能，而唔係關注喺我身材方面。」