姜皓文被張角造型震撼 驚喜獲贈蛋糕慶生

姜皓文（黑仔）早前為電影《真．三國無雙》廣東話配音時，獲經理人為他跟同是10月星的導演周顯揚慶生。
影片在紐西蘭實景拍攝，黑仔一直念念不忘周導為他準備的煞科蛋糕，說：「在紐西蘭我煞科導演送嗰個蛋糕好好食，我到依家仲記得！」原來當時黑仔處於節食中，但周導則準備了邪惡的朱古力的蛋糕，引誘黑仔。今次錄音，黑仔經理人非常細心，為將於10月26日53歲生日的黑仔送上朱古力蛋糕，並補祝導演生日。
片中飾演張角，長髮造型令人眼前一亮的黑仔表示：「今次配音第一次睇到個畫面係咁震撼，雖然之前拍劇演過唔少古裝道士，但呢個造形相當震撼同滿意！」黑仔在電影中打響頭炮，開場就見到黑仔的身影，周導說：「開場係黃巾之亂戰爭場面，張角作為劉備、關羽、張飛的第一個對手一定要夠撐，姜皓文行出嚟，希望觀眾睇到會覺得選角有新驚喜！」