人妻王敏奕拍劇唔鍚身 被摸pat非禮

與曾國祥新婚的王敏奕在ViuTV劇集《假設性犯罪》中賣力演出，在明晚播出的最新一集中更會被非禮。

明晚播出的第14集，講到王敏奕飾演的林梓慧受命跟樓南光飾演的老闆鄭生見大客，期間被非禮及灌酒，她不堪受辱而去，決定聯同公司其他曾遭性騷擾的女同事，公開控訴公司不良文化。

王敏奕為拍攝劇集不斷犧牲色相，她指自己不用加「Pat」保護自己：「呢場戲嘅意義大於畫面，因為對女性嚟講係一件好尷尬嘅事！個角色設定雖然唔係大膽，但都會為自己出頭，所以好快可以逃出魔掌！」她又指，自己一向唔錫身，身邊同事反而不停提醒她小心走光：「我第一次咁重戲份，一日拍十幾場戲，呢個挑戰好大！身邊同事好緊張我，提我領口要拉高啲。」