周五騷照開有應變計劃 阮兆祥請取消個唱蔡一傑撐場

阮兆祥為本周五至周日（25至27日）一連3場演唱會進行綵排，擔任嘉賓的Judas亦有現身。對於個唱日子臨近，祥仔謂期待的心情好像新手爸爸正在等待「BB」出世，明知是兒子，但未知外貌如何，監製仍未確實透露舞台的設計，只知道有3個機關，所以開騷前踩台才知道。為了養聲，祥仔現在怕傷聲少說話，朋友買飛、唱片及送上人參、雞精來支持他，他亦要求朋友勿送花籃，將錢捐給慈善機構。
講到興起的祥仔，拿出老闆王祖藍專誠送他的私家金咪，還為金咪改為「藍藍」。他說：「有日王祖藍專登拎上去電台畀我，相當感謝他對我的支持，相信這支咪都價值不菲。」

對於蔡一傑、陳綺貞原本同期開騷，最終決定取消。問到個唱於周末舉行可有擔心？祥仔坦言麥花臣場館地點較好，並非處於正彌敦道，不過曾考慮想將周五場次改為早一點進行，但擔心入場入士未放工等問題，亦覺得上天自然有安排。問到可有應變計劃？祥仔表示當然有，亦不想用到，又謂會邀請蔡一傑入場睇騷，雖然同期開騷被認為競爭對手，但認為同行也是朋友，應該互相支持。
為祥仔個唱擔任嘉賓的Judas，直言有點緊張，擔心表現未夠好會拉低祥仔的水準。她將於11月14日於同場地舉行個唱，所以今次可預先視察場地，屆時也會邀請祥仔睇騷。