潮拜Kate Moss遺憾冇合照 鄧麗欣自爆同王子拍拖壓力大

鄧麗欣（Stephy）繼早前出席紐約時裝周後，近日再獲邀亮相巴黎時裝周，其中她更獲邀以香港區唯一藝人身份，跟全球逾200位時尚名人一同參加國際名模Kate Moss的派對，難怪Stephy興奮稱：「一直很期待見Kate Moss，覺得佢好型，可以目睹國際名模風采，真係好難得。見到佢真人後，跟想像中沒有太大分別，覺得佢好有氣質好吸引，只是遺憾未能合照！」
Stephy月初為出席紐約時裝周前已刻意Keep Fit，今次見Kate Moss前可有「重施故技」？她表示：「最近好多人話我瘦咗好多，自己唔係太覺；今次冇刻意減肥，覺得依家身形OK。（最滿意邊個地方？）塊面！依家唔會Baby Fat，其實最緊要都係塊面，大家第一眼都係望塊面，同埋冬天着多兩件衫，身形係點都唔會覺。」

Stephy被指消瘦了，未知男友邱勝翊（王子）可會叫她增肥？Stephy聞言即甜絲絲表示：「唔會啦，我喺佢隔離好大壓力，佢又瘦、皮膚又好。我反而有叫佢增肥，成日都叫佢食嘢，不過佢天生唔鍾意食嘢，依家算係俾我感染咗食多了！」
不過，Stephy自爆初出道時曾因為Baby Fat身形感挫敗，說：「初初出道做Model時，覺得上鏡塊面好肥，腰、身全部都好唔滿意，於是進行地獄式減肥，跟Sammi（鄭秀文）飲食餐單去減，嗰段時間食好少，同學放lunch大魚大肉，我就食梳打餅加隻蛋，後來發覺咁樣落去唔得，個人會好攰同好唔開心，最終都係放棄咗。」