正式簽紙嫁圈外男友 Jessica＠Super Girls坦言唔慣做人妻

Super Girls成員蔡明思（Jessica）同圈外男友Steven下月27號於台灣擺酒，而兩人昨日先在大會堂註冊結婚，只係邀請了雙方家人。Jessica昨晚在facebook同IG分別上載簽紙相，又留言「Officially Chen’s now」。

Jessica指原本沒有打算請人觀禮，「註冊當日原本冇諗住請任何人觀禮，因為婚禮在台灣舉行，諗住到時見邀請親朋好友去分享我們的喜悅。不過當我們同家人講呢件事，雙方的家人都分別在台灣同內地過來觀禮。原本我們打算男友（老公）請半日假，來簽紙便完結，點知最後變了好多人。」
:
Jessica又稱「過程好開心，不過我事前一點也不緊張，前一晚沒有失眠，可能因為未到婚禮當日，昨日只是簡單簽紙宣誓，不過當完紙後，發覺自己身份唔同咗，反而開始覺得有少少唔習慣，唔慣已經成為人妻。」

「過程中，我都諗自己會唔會眼紅紅感到到喊，始終係一世的事情。但最後係冇，因為男友（老公）太古靈精怪，簽紙時仲開心笑講『畀我考慮吓先』。呢個時候佢仲掛住玩，令到我要教訓佢話『玩完未？唔好再玩！』，搞到來賓係咁笑，氣氛好開心。」