鄧麗欣歌迷會成立12周年 與Fans鬥整甜品

鄧麗欣（Stephy）日前為慶祝歌迷會成立12周年，與約50位粉絲舉行一年一度的見面會，每年聚會都設有不同的主題，今年大玩廚藝比賽， Stephy 更落場炮製心太軟甜品，同時率領 9組粉絲自製甜品，再由她親自試食評分選出冠亞季軍！Stephy 笑言今次粉絲聚會令她付出沉「重」代價：「其實整甜品會落好多牛油同糖，真係好肥，我仲要試食晒咁多組嘅甜品，唔知要跑返幾多個圈先減得返喇！」

在試食環節時，鐵面無私的 Stephy 對粉絲的作品有讚有彈，當吃到「地獄級甜品」更會化身「女版 Gordon Ramsay」當面狠評，抵死啜核的評語為見面會帶來不少歡樂。此外，歌迷會特製了一個另類蛋糕送給 Stephy，須以木棍用力扑爆蛋糕外層，才會吃到內裡的曲奇及糖果，別具心思。

而在粉絲特設的「你問我答」環節中，當問到「最想合作的男演員」時，現場粉絲們紛紛大嗌「王子！」，令 Stephy 哭笑不得！對於大批歌迷要求她再開演唱會，她表示一直有計劃再開騷，但希望先發展好電影事業，才正式回歸樂壇，不過為了讓一眾歌迷「解渴」，她即席清唱一曲《心甜》。

見面會尾聲，Stephy 感謝一班出席的粉絲：「多謝大家今日出席歌迷會12周年嘅 Party，知道你哋來自唔同地方，12年真係一個唔短嘅時間，大家每次都會同我慶祝真係唔容易。啱啱知道有兩位粉絲仲成為咗情侶，好開心，因為大家都支持我，有共同喜好先會走埋一齊。」