入行18年首個內地巡唱 關心妍與女兒穿親子晚裝

關心妍（Jade）入行18年首個內地巡唱「時刻觸動巡迴演唱會」，本周六(13日)將於廣州舉行首站，同時宣佈10月26日舉行深圳站。

女兒楊榮心（心心）本月23日將3歲生日，這次演唱會，Jade亦會帶她到場，亦是心心第一次欣賞媽咪演出，服裝設計師陳華國（Kenneth）非常疼錫心心，特別訂製一款親子晚裝，Jade說︰「演唱會最後一part是送給女兒，Kenneth話要造一套親子晚裝，讓她穿上在台下為我打氣，我哋都係第一次著咁隆重嘅母女裝，Kenneth好認真，要我帶心心一起去fitting，幫心心度身的時候，同佢講媽咪會著這套衫上台唱歌，因為心心未現場睇過我開騷，她問可唔可以唱兩句？之後大家拍掌起哄，心心見到大家咁熱烈即刻怕醜freeze左，哈哈！」