郭晉安推job 同囝囝圓親子歐遊之旅

無綫劇集《白色強人》熱播叫好又叫座，飾演楊逸滔醫生YT力排眾議大力推醫療改革，角色亦忠亦邪，劇集今個星期進入結局篇。不過郭晉安已急不及待，帶住囝囝去了荷蘭，在社交網留言話要展開夢想之旅＃第一站丹麥🇩🇰. #travel#親子旅遊#郭晉安。

佢地原來一星期前已出發，第一站是丹麥，跟住去了荷蘭，尋日已去到威尼斯，仲影了很多chok相，郭晉好開心咁話：「我兒替我影的寫真！好有自信地話肯定多人讚⋯⋯其實都⋯⋯唔錯！ #travel#威尼斯#郭晉安」；仲有兩父子坐在河邊，郭晉安話：「只要有河、有石就可以玩個幾鐘，你識玩片蛇嗎」。睇嚟這個親子之旅，兩父子都玩得好盡興！

點解唔見了太太歐倩怡？郭晉安出發前已事先張揚，歐倩怡要返夜校，自己就算推掉晒所有Job，都要抽20日時間同囝囝歐遊。郭晉安果真是慈父一名。