高海寧瘦左成個碼畀人讚 對感情謹慎拒閃婚

高海寧（高Ling）到上環出席活動，穿tube dress的她不時整理衣服，問到是否瘦了不少？高Ling開心表示：「好多人都咁講，我有畀心機減肥，每年冬天我就會吃多了，天氣熱反而冇胃口，再加上拍《網路編案》忙了幾晚通宵，要拍到八月，始終是女主角有唔少戲分，唔想上鏡睇落圓嘟嘟。（冇機會著泳裝？）要睇睇有冇時間，其實我都唔識游水。（唔諗放假？）現在事業越來越好，放假等老了再諗。」

問男友鄧智偉有否讚fit了？高Ling說：「點止，街上好多人都讚，連戲服都要改，相信瘦了差不多一個碼，再改衫服裝姐姐會唔開心。」

問港姐出身的高Ling有否留意今屆參賽者？她表示電視城內很多人都以此作話題，相信質素不錯，問到可有選美貼士？她說：「最緊要是做返自己，現在年代不同了，很多人將你起底，所以最緊要是做自己，光明正大。」

今日突然爆出宋仲基與宋慧喬離婚，高Ling坦言冇諗過二人會分開，認為二人就好似童話故事一樣，坦言感到可惜，祝福二人找到真愛。高Ling指自己思想較古老，與雙宋的想法不同：「現代人覺得好多嘢壞了便丟咗佢，我覺得係可以修補，應該要兩個人去磨合。」高Ling亦直言自己對感情好謹慎，不會閃婚。