夫妻共識捐出所有家產 翁靜晶澄清兩女有出席外地婚禮

翁靜晶（Mary）在中環聖約翰座堂舉行婚禮後，便轉往深灣一會所舉行午宴並接受訪問。問到心情如何？Mary說：「平常心，我哋之前已經喺外地舉行佛教婚禮，因為先生係教徒，要依照佢哋嘅宗教，舉行認證婚禮手續，認證呢段婚姻。」

Mary指今次有香港的朋友陪伴，中小學的朋友到場令她感到開心；何東中學亦有派出合唱團為婚禮唱詩歌。問到兩個女兒未有現身？Mary說：「上一次佛教婚禮都有到，今日主要是何彪先生的朋友，我的朋友佔好少部分。今日是爸爸何鴻章（何彪父親）生日，特別揀今日行禮，佢係何東後人唯一在香港舉行婚禮的，係好有淵源。」Mary指好多與何東有關的單位到場，包括聖約翰中學、何東中小學、退伍軍人聯會、英國退伍軍人聯會等。

問到女兒劉萬儀是否不支持？Mary說：「外地婚禮大家都有到，好融洽、非常快樂和諧，我的個人快樂唔會係最終目的，現在有多人支持，繼續做好事推動社會更重要。我依然係簡樸、慳儉的我。」

問到保險箱失竊有否影響心情？Mary說：「冇乜大不了，先生好好，同我講乜都唔使擔心，所有嘢都幫我準備晒。」Mary指財物都是身外物，身上的首飾亦會捐出去：「始終所有嘢帶不走，所以會做善事，對象會再公佈。」Mary又指與老公有共識，會將所有家產捐出並不會留給家人：「兩個女亦唔會想要人的錢。」

問到老公有何吸引之處？Mary指老公是法律學者：「大家都支持善良公義，佢唔似係富四、五代嘅壞習氣，佢都受過苦，每一次我做事佢都在角落支持我。（老公怕醜唔肯咀嘴？）係佢嘅傳統、教養，唔可以咁樣公開示愛，有時會犯吓規，但你哋影住就不敢。」