Terry做腦瘤手術變返蠢？網民：想佢繼續聰明但會善良返

無綫處境劇《愛．回家之開心速遞》，昨晚播出《真．Terry 回歸》上集，龍力王Terry（李偉健飾）要炒晒尋寶圖所有員工，由蠢變聰明Terry既奸又惡毒，完全無人情味無親情，睇到觀眾咬牙切齒，鬧爆他乞人憎。不過，Terry爆頭痛的他去做檢查，得悉變聰明是腦生水瘤所致，但做手術後就會變返蠢，Terry寧願不要命也不要蠢。
今晚播的下集，預告大小姐龍力蓮（林淑敏飾）和舅父KC（歐瑞偉飾）將強行送Terry做手術，無綫自己開盤：「A: Terry做手術後變返蠢；B: Terry做手術後仍然聰明；C: Terry唔做手術⋯病死」，問大家最期待邊個畫面？
有網民力撐「Terry唔好變返蠢啊，聰明先夠刺激」、「還是喜歡聰明的Terry啊，馬上就可以繼承接龍集團了」；有網民則寧願Terry變回以前「都係以前嘅Terry有睇頭啲，小小事都要叫救命，下下都要搵家姐幫手」、「對親情冇興趣仲要咁有機心仲要成日傷害別人嘅Terry我寧願佢真係變返以前嘅佢囉，起碼佢會知邊個對佢好邊個對佢差，唔會當嗰個都係對佢衰」、「Terry呀，求你變返好，依家嘅你好冷血，點可以講啲狠心嘅嘢，已經睇到想喊」；亦有網民想兩全其美「希望佢只係變返好而唔會變返蠢」、「想佢繼續聰明，但係佢會善良返！最好係比之前更聰明！」