與梁家輝再合作竟遭催婚 古仔：感情事邊個講都唔聽

由梁家輝、古天樂（古仔）及林家棟主演電影《追龍II：賊王》前晚舉行首映禮，一眾圈中好友陳慎芝、余安安、陳煒及唐詩詠等都有現身支持，不過主角之一的任達華因工作在身未能出席。首映禮期間，大會安排一眾演員送榴槤給兩位導演，梁家輝搞笑問：「原本諗住空手劈開，但邊個安排未熟的榴槤？」文：鄺芷瑩　圖：張家宜

繼電影《黑社會》後，相隔14年再合作，梁家輝搞笑指古仔已貴為「影壇大亨」，隨即強調是黃秋生這樣說。不過難得14年後再合作，雖然很辛苦，但最辛苦的是古仔有幾組戲在身要周圍走，而林家棟發展事業中，既做製片又做編劇。他說：「我比較舒服，係退休人士，雖然拍戲好辛苦，但非常開心。」提到他曾表示為演出該片不停吃榴槤而嚇怕，問到再次見到榴槤感覺如何？家輝笑言不驚，大家再度合作好開心，因為將來合作機會不多，自己為退休人士。當笑問該片是否退休之作？他說：「我係退休，唔係退役，只要有觀眾、拍檔、導演對我有諗法，我會做到最後一部，但希望係好耐之後嘅事。」

林家棟：放生自己

古仔表示演出該片不辛苦，又自稱為工作狂，反而梁家輝經常叫他小心身體要做身體檢查。說到梁家輝曾叫他和林家棟快結婚，在旁的梁家輝搶着說：「唉！唔好响佢兩個面前講嗰啲，每個人的路不同，以我的立場及身分，當然鼓勵佢哋成家立室有完美人生。不過即使唔結婚、唔拍拖，都唔代表無完美人生。」林家棟則笑謂跟古仔共通點是放生自己，已婚的家輝即反駁說：「我無講過自己行入死路。」問到可會聽從梁家輝的說話？古仔說：「聽！感情啲野邊個講都唔聽。」林家棟笑言做人要愛惜自己，不結婚是愛惜的表達。問到是否受過情傷？他笑說：「內傷呀！」

讚李兆基可愛惡人

對於李兆基因病離世，身為演藝人協會會長的古天樂表示自己剛回港，會跟對方的太太了解有何需要協助。而李兆基的好友陳慎芝表示日內會取得死亡證，因為未有死亡證不能訂殯儀館場地，亦有很多朋友問及出殯事宜，又稱跟基哥的太太一直保持聯絡。他說：「基哥雖然樣惡，但心地善良，係可愛嘅惡人。」問到可有安慰基嫂？他直言讓對方靜下，因為基哥兩年前已開始病，大家已有心理準備。他說：「我探望他時，都跟他講『你要走就走，唔好咁辛苦！』人人都會一死，最緊要活得精采，他活得好精采，唔係道友、又唔係壞人，係可愛的惡人。」他又指基哥雖則未受洗，但仍可以基督教儀式出殯。