兩女沒見證出嫁 翁靜晶超開心：唔答啦

55歲翁靜晶（Mary）早前宣布已與何東爵士後人何彪於去年結婚，今日在中環聖約翰座堂補行結婚儀式，新郎何彪於9時半乘四人房車抵達婚禮場地打點，賓客包括設計師鄧達智等則於10時許陸續抵達。

Mary在伴娘陪同下，乘白色7人車於10時半現身，在親友陪同下步入教堂進行結婚儀式，儀式過程約半小時，二人誓詞後交換戒指，未有咀嘴僅僅錫面。一對新人於11時許步出座堂，大方影相但未接受訪問。問到心情如何？Mary表示：「好開心！（兩個女兒冇嚟？）唔答啦、唔答啦！好開心。」拎住花球的Mary在車前停步，反問要如何處理花球？並說：「有冇人未結婚呀？」便將花球拋向人群並登上座駕離開。