湯洛雯臨危受命變「NG王」 黃浩然重拍《法證》認緊張

取代黃心穎的湯洛雯（靚湯）跟黃浩然於觀塘海濱花園拍攝無綫新劇《法證先鋒IV》。他們透露剛重新開拍第三日，至今都拍攝都相當順利。靚湯坦言臨危受命相當有壓力，距離上一次拍劇已經約5個月，確實需要時間入局。她感激同劇演員非常有耐性，令她安心很多，但都成為「NG王」。

黃浩然表示跟湯洛雯的合作相當順利他說：「其實對於靚湯係幾高難度，套劇都拍晒，臨危受命，佢已經銜接得好快，亦知道佢做咗好多功課。」靚湯笑說：「第一日開工我的確係未warm up，NG咗幾多次，NG王。好彩佢同譚俊彥都好有耐性，如果唔係咁有耐性，我會愈來愈驚囉。」黃浩然力撐靚湯，提到劇中對白的確有難度，他笑說：「其實我地都係咁，第二日已經即刻表演畀佢睇啦！」

談到臨危受命，靚湯說：「其實拍之前係最大壓力，拍拍吓就好番少少。」黃浩然坦言自己都有點緊張，因劇集已拍完但又想撇除之前的演繹。問到是否要趕及今年播出？他表示因仍需後期製作，相信今年未能播出。另外，問到靚湯減磅是否已達標？她笑說：「梗係未啦！邊有咁快啊！好彩拍擋夠高大，我可以著高踭鞋。」