湯洛雯激咀黃德斌唔畀父母睇 林秀怡爆同陸永鴛鴦戲水超臭

湯洛雯（靚湯）與林秀怡為《婚姻合伙人》宣傳，靚湯指早前播出與黃德斌的吻戲是入行以來最激的一次，說：「好緊張，拍咗幾take，自己不敢睇playback，播出時更尷尬到唔想父母睇到。」
秀怡亦有留意靚湯與德斌的吻戲，她則與陸永亦有一場浴室「鴛鴦戲水」戲份，並回憶道：「唔明陸永點解著鞋落水，可能甩色搞到池水變黑，好臭仲要拍足一日，諗返都覺得嘔心。（掂到胸部會尷尬嗎？）陸永當咗我嘅胸同個墊只係一舊肉，佢有提議手拍上一點，大家就不用太尷尬。」
靚湯即將投入《法證先鋒IV》拍攝，問準備多時的她是否緊張？她說：「起初有，但做功課後個人便淡定，都擔心我好似插班生中途插入，台前幕後已經係一家人嘛。」秀怡聞言笑說：「你要跑快啲追返上。」靚湯苦笑說：「唔好再講跑步啦，之前我拗柴，醫生話左腳韌帶輕微撕裂，要我多啲注意，若果再受傷就大鑊。」