反面教材勸兒努力讀書 「港普」黎諾懿：網民撐我唔好改善

黎諾懿、湯盈盈及韋家雄等今日出席《六月星辰》，對於憑《如果這樣生活》的爆笑普通話而獲網友封為「港普教父」，諾懿直認自己是反面教材，希望小朋友不要學習，更寄語兒子「小春雞」長大後要努力讀書，「我就是因為小時候冇讀書才這樣，少壯不努力，老大徒傷悲呀！但老婆讚我給予其他人希望，因為講到咁也可以上節目。」黎諾懿又指早知會「出事」，故早已在社交網站預告節目中含大量「港普」，「原本得一集，可能監製覺得太好睇，所以剪成兩集，大家就當追韓劇要睇字幕啦，哈哈！」

問到會否進修普通話？黎諾懿再放笑彈說：「我十多年前拍《舞動奇迹》已想學，學過先可以講得咁流利咋，用了我一身功夫㗎喇！」他又笑言部份網友支持他不要改善「港普」，以免失去個人特色，深感矛盾。

至於生日如何慶祝，黎諾懿透露已有5、6年沒慶祝，只會與老婆平靜渡過，又憶述對上一次慶生已是8、9年前跟鄭伊健飲酒傾偈。笑問今年會否再約伊健慶生，順便練習普通話？他笑說：「大家不要再說伊健講得差，他現在講得好猛、好流利，我青出於藍㗎喇，新一代我冚晒！」