【維港會】馬時亨帶團到潮州推廣高鐵遊 巷仔發現隱世蠔烙店

高鐵通車後，唔少市民假日都會乘搭高鐵北上消費。港鐵主席馬時亨，在剛過去的周末，就帶團到潮州，推廣高鐵旅遊，無意中俾佢發掘到有百年歷史嘅隱世蠔烙店，雖然要坐喺巷仔食，但就勝在夠晒風味。

旅行團原本一直按照既定行程參觀，但佢哋午飯後，路經一條橫巷，見到有間蠔烙店，大家竟然話想試下，於是馬時亨就問下食店老闆，對方二話不說即開爐做兩底蠔餅。大家試咗啖好驚喜，蠔餅香脆嫩滑，好味到不得了，兩底蠔餅瞬間被大家KO咗。

據導遊講，呢間蠔烙店有約百年歷史，至今已傳至第四代。竟然被馬時亨無意中發掘到隱世美食店，雖然要坐橫巷食，不過就別具風味。