張艾嘉傑出貢獻獲表揚 杜Sir畀面出席頒獎

張艾嘉、劉兆銘、杜琪峯（杜sir）、梁詠琪等現身電視城為節目《2018香港藝術發展獎頒獎禮》錄影，獲頒發「終身成就獎」的劉兆銘；吳鎮宇、張達明專誠到場支持。

張艾嘉則獲好友杜琪峯以頒獎嘉賓身份頒發「傑出藝術貢獻獎」，張艾嘉笑言最擔心杜sir未能前來，但對方好畀面，特登頒發此獎給她，而媽媽也有到場，但之前媽媽也陪同出席金馬獎頒獎禮坐足3小時，最終自己未有得獎，不過今次不會擔心，皆因實有獎攞，又指大會為她拍片段，於是去返自己曾拍戲的地方，因為這些地方才是她是開心同開心的時刻，亦覺得好單純的地方。她說：「好多謝頒發這個獎給我，畀到鼓勵我，may be long way to go！」對於獲獎，張艾嘉笑言好開心會繼續努力。

劉兆銘獲吳思遠及徐克頒發「終身成就獎」時，劉兆銘笑指兩人是他演藝及電影上的開山師父，又爆當年與導演徐克合作首齣電影《蝶變》，對方找來師傅花了3個月時間設計功夫，但開拍後就叫他毋需出手，只需企埋後面蹺埋雙手。他說：「徐克話我的角色唔出手由自可，一出手就不可想像，等到適合時候先出手，點知拍完都未出過手。咁樣變法，將一切藏在裏面，充滿爆炸感覺。導演識我甚懂武功之人，最後死剩我一個，就話此人不懂武功，所以曾經我叫佢做「徐大變」，之後影響到我以後演戲。一個演員遇到好戲本及導演便會產生不可思議的想像同力量。」