【首次曝光】漢洋與細仔父子檔合唱 自爆老婆係初戀對象

漢洋在演唱會首唱後半段，突然請出一位觀眾始料不及的嘉賓，他親自落台帶了一位小男孩上台，這位名叫Hin Hin的男孩原來是漢洋的10歲細仔，台下還有一位15歲的大囡與漢洋胞姊及胞兄撐場，宣佈早已為人父，太太更是他自19歲以來的初戀對象。漢洋牽住Hin Hin上台，便問觀眾似不似樣，首次上台的Hin Hin未有怯場，自爆在台下瞓着覺：「啱啱起身，平時10點就瞓，眼瞓就瞓㗎啦！」隨後父子檔上陣，合唱《You raise me up》。

漢洋Encore兩首歌後便告完場，更大方與子女及家人影合照，他與小雪齊齊受訪，未有透露與太太結婚多久，問到為何選在今晚公佈？他說：「依家唔講幾時講？（仔女會捧足3場？）淨係會嚟一日，因為佢哋要考試。（仔仔可會再表演？）佢唔鍾意做呢行，都係我貪玩問佢先上嚟。」他指太太不會到場，因為不想曝光，不想麻煩。

問小雪可有見到漢洋太太？她坦言未見過，不過早已知情，漢洋說：「我對仔女同小雪對仔女差唔多年紀，我哋嘅下一代好夾。」又指圈中只有譚嘉荃見過太太。而小雪透露此行回港兩星期，是她首次一個人回香港，因為女兒已長大，她亦有意重掌唱歌工作。