阿Sa唔怕呃感情 最驚被呃錢

蔡卓妍（阿Sa）與卓韻芝到電台宣傳舞台劇，透露為此錄了一個廣播劇，阿芝笑說：「都好耐冇錄，記得以前錄苦榮以及與阿Sa錄《小火花》，都有10年。」
阿Sa指廣播劇中探討女士如何被欺騙感情，問到可曾被呃？阿Sa笑言：「唔呃錢就得，其他嘢就拎去，錢係辛苦賺㗎，感情你呃到咪呃囉。」阿Sa又指最怕被問借錢，特別是借錢還賭債，曾有人向她借七位數。

而阿芝就坦言被呃感情比較難受：「緊係感情，係代表咗青春，同埋每一個晚上嘅眼淚。」阿芝坦言要看是感情與錢難比較，若然是5年情就好長，阿Sa聞言笑說：「5年嘅就算啦！」此外，阿Sa舊愛陳偉霆因一段港式英文廣告而成為熱話，問可有留意？阿Sa說：「冇留意，唔知呀，冇回應呀！」