人紅漸驕自誇叻過張學友 漢洋入行30年開騷邀小雪合唱

漢洋一連3場演唱會昨晚在旺角麥花臣場館舉行首場演出，入座率約7成，座上客包括了陸詩韻及黎瑞恩（小恩子）等，漢洋整晚唱了多首歌曲回顧入行30年，更憑歌寄意向師父羅文以及哥哥張國榮致敬。

於1989年的新秀歌唱比賽獲亞軍的漢洋，自認當年獲獎後變得自大：「當時評判羅文覺得我唱得好，收我做徒弟，更加覺得自己紅咗。當時覺得好威、好巴閉，但之後就因為唔同原因入雪櫃，乜都要做，例如地產、金融，好鬼死辛苦、唔開心。」漢洋又自誇比歌神張學友更有條件：「學友都唔係唱得好好，我後生過佢、靚仔過佢、身型又好過佢！基本上佢有嘅嘢我有，佢冇嘅嘢我都有。」然後他又晒出「十首眼紅金曲」名單，當中有四大天王、羅文的金曲，自誇可以唱得比原唱好。

整個演唱會有不少嘉賓，除了早已預告從澳洲回港助陣的小雪，與他合唱經典作《其實我介意》外，更有譚嘉荃、前新聞主播陳嘉倩合唱《漩渦》，小恩子亦以首晚神秘嘉賓身分，從觀眾席踩上舞台合唱《長流不息》，小恩子一上台便打趣道：「個場都好少人喎，冇乜掌聲咁！」又指漢洋跳唱勁表現尷尬。