【維港會】堅持買輪椅位自備凳睇戲 自私客懶理戲院違例

《復仇者聯盟4 : 終局之戰》上月播映時掀起搶飛熱潮，有戲迷為先睹為快，不惜自備椅子，堅持購買輪椅座位，結果被戲院職員以違反消防安全為由拒絕但戲迷亦拒讓步，「我話得就得啦，賣你就賣啦咁多嘢講」，最終與經理理論下，獲准買輪椅位入場。職員不禁慨嘆，「香港人真係好麻煩，好彩你無跌親啫，如果唔係轉頭又入我哋數架啦！」

該戲院售票職員在facebook專頁「西客之道 Hispitality Secret」投稿，稱上月一套全球期待的大作上映首日，戲院幾乎全院滿座。當日就有一名男客人要求購買輪椅座位戲票，「我自己有凳自備架啦」，但職員則以違反消防安全為由拒賣，「唔係客人自唔自備嘅問題，係輪椅位我哋唔賣得畀一般客架，如果我賣咗畀你，其實到時摵飛同事都係會截住唔畀你入場架」。客人聽罷大為不滿，「你唔好同我講消防條例」、「我上次都得啦！點解你今次唔賣畀我啊？」，又說「我話得就得啦，賣你就賣啦咁多嘢講」。

職員為免阻礙其他排隊購票顧客，唯有先讓步賣飛給他，但明言自己要負責任，「得！我出畀你，我亦都會照同經理報備，轉頭佢搵你有啲咩事要退飛，或唔畀你入場我絕不負責。」最後經理在開場前再與該客人解釋，但對方仍堅持入場，「你唔好同我講消防條例啦，我仲熟過你呀！」經理最終「跪低照畀個客入場」。

職員事後慨嘆，香港人真係好麻煩，好彩你無跌親啫，如果唔係轉頭又入我哋數架啦！仲要呢啲時候後面排隊嘅客明知前面有個麻煩友阻住自己，都無人出聲幫口，真心覺得心淡」。

根據《公眾娛樂場所規例》，除非獲發牌當局的書面同意，否則任何人不得對發牌當局不時批准的在處所內的構築物，照明、電力、冷凍、通風、機械或其他裝置，座位、過道或其他裝置，或座位、過道或其他安排，進行不論屬永久或臨時的改動或增設。

帖文引來不少網民留言，有人批評該客人明知故犯，「消防條例仲熟過你......先生即係知道已經會觸犯法例」；亦有部分網民斥戲院應堅持拒售票，「經理跪低，下次個客又再係咁囉道理喺自己度，都唔肯堅持」、「咁你明點解會發生『點解上次得今次唔得』嘅事啦？係你地害下一次嘅同事」。另有人認為應報警處理，又「唔好加櫈比佢，亦唔好畀佢自備，就睇佢企足3粒鐘」。