《復仇者4》掀撲飛潮多區戲院現人龍 影迷出價千元求買一張首映飛

全球漫威影迷期待的電影《復仇者聯盟4：終局之戰》（Avengers: Endgame）將於本月24日上映，香港首映戲飛昨開賣，多個戲院售票網「爆機」，多區戲院出現排隊人龍，網上更出現千元黃牛飛，一票難求。

《復仇者聯盟4：終局之戰》24日於本港上映，不少影迷趁門票今晨開賣紛紛上網購票，但未知是否因為太多影迷湧入，各大戲院購票網都被「打爆機」，未能購票。昨晚起各區戲院都出現久違的購票人龍，包括尖沙嘴、旺角以及元朗的戲院等，購票處都架起欄杆排起人龍。

網上更流傳有人以1000元收購一張首映票，有網民怒斥黃牛炒飛，「鐵粉睇首批早埸好正常，但多咗班炒家一齊搶一齊爭，的確好肉酸」、「有得拎嚟炒，有商機，香港人緊係衝」。亦有網民認為，影迷為求心頭好應予尊重，「每個人都有自己喜好，尊重下人尊重下自己」、「排隊睇戲都係人地自己嘅選擇，又唔駛onxxx嘅」。