【馮永業案】19年婚姻破裂曾挽留 陳婉玉：無咗老公根本唔想生存落去

前經濟發展及勞工局副秘書長馮永業涉貪瀆職案，賭王三姨仔陳婉玉今午開始出庭自辯。

陳指她有11個兄弟姊妹、她最細、1983 年結婚、84年加入信德工作、任首席會計、98年應謝天賜邀請加入港聯直升機，只是兼職。陳提及婚姻破裂、不禁在庭上落涙。陳指當她發現丈夫有外遇，夫妻關係好差，丈夫用暴力對待我。

她女兒84 年出世、女兒兩三歲丈夫第一次出手打我，她尋求心理輔導。

她曾嘗試挽留丈夫說「我話知道佢出面有女人，你唔需要我點解會知你出面有女人，但我知你有親密的朋友，我地結了婚19年，唔相信幾個月的感情可以換了19年的婚姻」。她對丈夫說「我唔介意，只要你返來我身邊，我不會追究」但丈夫拒絕。

陳表示：「我無咗個家、無咗個老公、無咗個支柱，只有間屋、我根本不想生存下去」。陳表示「我無咗個家、無咗個老公、無咗個支柱，只有間屋、我根本不想生存下去」。她長期需心理輔導，甚至一星期要見三次，直至04年中認識了Wilson馮永業。

當時她心已碎了，「Wilson對我好好，好有風度，好溫柔，好細心」，她丈夫脾氣暴躁，會用粗口鬧我，從不理會她感受。「我越來越覺得Wilson好吸引，佢唔會大聲跟我說話，佢好斯文、好gentle ，好重視我感受、有時我唔出聲、佢會知我心情如何」。

辯方大狀余承章指、「你跟Wilson一起是否比較開心」陳表示「我係好開心」。

陳解釋她為何保存二人首次去澳門的直升機票、因為當時大家吃飯傾談好sweet，「我們有啲親密的動作」。而且該次我們第一次離開香港去澳門，去表達大家的愛意，所以留低張直升機票，之後她和Wilson更加親密。她把所有精神及時間都放在Wilson 身上，「我只係痴痴地等、等佢聯絡我約午餐、約吃飯，及佢幾時放工來見我」。他們的關係一直維持至2016年終止。

其實她認識了Wilson「好開心，我好多時候都等佢電話、等佢嚟，亦都好想見到佢」，當時她工作上沒有太留意，只係做返平時的事。


記者：徐曉伊