紅館騷感觸落淚 林宥嘉：我唱歌的聲音太好聽了

一連三場《林宥嘉idol世界巡迴演唱會》昨晚在紅館演出最後一場，林宥嘉全晚落力表演，又以廣東話和粉絲溝通，雖然鬧出笑料，但氣氛十足，他自言個腦開發了，令廣東話愈來愈好，事後更透露太太丁文琪驚喜來港支持他，所以要表現得更好。

《林宥嘉idol世界巡迴演唱會》在紅館演出最後一場，前來捧場的圈中人包括容祖兒、彭秀慧、蘇麗珊、糖妹、小肥、謝安琪等等。林宥嘉繼續全程講廣東話，但發音不標準爆出笑料，好似他在台上叫歌迷開手機燈製造燈海時，他說：「唔識開燈嗰啲，揾隔離嗰個『膠膠』（教教）佢。」全場爆笑，林宥嘉講了幾次都講不到「教」，最後唯有講英文，場面好笑。

當他唱到《走鋼索的人》時，一度感觸落淚，有歌迷大叫「不要難過」，林宥嘉即抵死地說：「我沒有很難過，只是覺得自己唱歌的聲音很好聽。」其後在握手環節，歌迷表現熱情，又攬又摸面，更有歌迷向他掟上大公仔，林宥嘉搞笑將公仔塞進斗篷，然後掟回觀眾席，演唱會在兩度安歌後圓滿結束。