「火龍果」退出樂壇 張敬軒：會為容祖兒復出

張敬軒為了今次澳門演唱會，除了準備一套戴帽的全新黑色套裝，更讓「火龍果」處女登台，以搶眼鮮黃色配粉紫色爆炸頭假髮，唱出惡搞容祖兒新歌的《Pretty Hungry》，期間還「騷首弄姿」及大派火龍果。唱畢，「火龍果」先踩軒仔謂：「我身手敏捷過老嘢張敬軒！」再賣弄的繞高Pat Pat說：「昨晚有歌迷問我這裏是不是真的，珍珠都無咁真呀！要不要摸吓？你就想！我今晚無戴到祖兒姐的假髮來，所以用了這個（降兩度）的『大波頭』；我聽到有人話我好靚，大家去驗眼喇！我今朝都畀自己嚇醒，用『靚』太片面，用『索』都太『渣』，我這種是高雅，特別是加上這個『大波頭』好似蔡琴，不過我亦要宣布退出樂壇，今晚是我告別樂壇之作。」繼而向觀眾跪下躹躬離場。

完騷受訪，軒仔解釋頸上的「咖喱雞」只是敏感，打趣道：「唔通上台前會嚮後台先進補咩？」問到是否肥了？他又抵死道：「別人做演唱會是減磅，我就肥到似坐月，肥到落膝頭哥，因為每次排完舞都會食好多，應該肥了2、3磅，在鏡頭前難道說肥了20多、30磅嗎？哈哈。（要否減磅？）食多兩日先，事關第一次在澳門開2場演唱會好開心，因此好嚴陣以待，亦一雪前恥，補償上次因哮喘取消澳門的演出；雖然我手頭上有10個騷，但這個巡迴都可以無限輪迴。」


問到「火龍果」的登台是否真的「一次性」？軒仔指是「火龍果」本尊的決定，不過又指將為容祖兒復出，因為發夢都叫着祖兒的名字；又自爆街上的人只會叫他做「火龍果」而不是張敬軒。他稱演唱會向觀眾派出的火龍果是自費，共買了200個，售價絕對貴過真的，因假的東西向來都貴過真。笑指他形容珍珠都無咁真的pat pat豈非不值錢？他鬼馬謂：「對呀，因為隨着年紀增長會下陷，都是排舞時做得深蹲姿勢太多（堅挺）。」