「王思苦」催「Law霸」生多個女 胡杏兒欲與鄭嘉穎對親家

鄭嘉穎和陳凱琳（Grace）為兒子Rafael舉行百日宴，腹大便便的胡杏兒更與老公及兒子一家大細出席。

曾跟嘉穎合作過《怒火街頭》飾演「王思苦」的杏兒更在IG放上兩家人的大合照，並留言：「Law霸（鄭嘉穎）恭喜你，娶到一個靚靚老婆又喜得麟兒，快啲再生個囡囡同我對襯（親）家！王思苦上」，而嘉穎亦留言回覆：「多謝晒王思苦！我地會盡力而為！亦都希望你再生個健健康康、精乖伶俐既BB！Law霸上 」而Grace亦留言表示感謝杏兒出席兒子的百日宴：「多謝你一家大細參加BB嘅百日宴 You look so radiant as always!」