【維港會】9月大BB高燒40度 極品媽拒睇醫生拖足5日：我想等老公返嚟食飯

嬰幼兒發燒可大可小，延誤就醫可能會致命！有網民在社交網站Facebook專頁「生仔要考牌系列」投稿，指自己的哥哥和阿嫂早前帶同9個月大的兒子上內地遊玩，回港後BB開始發燒，惟兩夫婦未有帶BB看醫生，更迷信偏方。BB多日一直高燒不退，最終由樓主父母帶往診所求診，而BB當時已經高燒40度，須入院治理。最令人氣結的是，阿嫂竟以「想等老公食飯」為理由，拒絕陪同前往急症室，不少網民怒斥其不負責任。

樓主發文指，哥哥與阿嫂早前帶同BB前往大陸，本月4日回港後，BB開始發高燒，至6日下午樓主父母再致電關心BB情況，始知BB燒至39度兩日仍未有看醫生，樓主一家隨即著他們求診。「阿嫂死都話要再等我阿哥放工一齊去，而嗰時先中午2、3點。結果我阿哥放工返到嚟，樓下醫生已經Close咗，佢哋竟然又無睇！！」

直至翌日，樓主再致電阿嫂，得知他們還仍未帶BB求診，樓主媽媽隨即請假上門帶BB看醫生。初時阿嫂仍然堅持要等丈夫回來，直至BB爺爺開聲要求下，才願意帶BB看醫生。至9日，BB仍然未退燒，樓主一家勸阿嫂帶BB看急症，「阿嫂一時話上次醫生開啲藥未食晒，一時又話網上搵咗偏方，煮荷葉綠豆湯俾BB退燒，又話要老公陪先去。」結果在家人的堅持下，阿嫂最後只肯讓樓主的父母帶BB前往診所，而她則留在家中。

診所醫生表示，BB已經燒到40度，要立即入急症。樓主於是著阿嫂準備文件及身份證，怎知對方竟然說：「你上嚟拎完BB出世紙，你哋帶阿B去得唔得啊？我想喺屋企等你阿哥放工返嚟一齊食飯。 」其不負責任的態度，令樓主不禁高呼﹕「到底依個世界係咪有人會咁X痴線啊！？」

其他網民留言表示，「發燒唔睇醫生，大人都辛苦，何況係個B？帶BB睇醫生都要等老公陪，個B跟住佢都唔知點捱到大？」、「姑姐，呢個小朋友靠你哋啦！」、「成39度喎，燒咁耐分分鐘燒壞腦㗎！唉，唔知而家新一代阿媽係點諗嘢。」

孩子發燒是最令家長擔憂的健康問題。其實發燒並不是一種疾病，而是一種徵狀。家長若懂得處理發燒的正確方法，不但可讓孩子得到合適的護理，亦可減少不必要的憂慮。當體温升高過「正常」體温0.5℃（1℉）便是發燒，但「正常」體温往往會受不同因素，例如年齡、氣候、衣著、活動和探測方法等影響。一般而言，體温達到38℃（100.4℉）或以上便稱為發燒，達到39.5℃（103℉）或以上便稱為高燒。