【維港會】男童唔夠高玩遊戲 港媽即發難鬧職員：你把尺錯呀！

兒童遊樂場為了安全問題，部分設施會設有高度限制，不過有商場職員向社交網站facebook專頁「生仔要考牌系列」投稿，分享有港媽無視高度限制，強行要「闖關」的經歷，引來網民熱論。

該名職員在帖文中表示，自己負責為小朋友度高，小朋友要高過90厘米才可以入去玩遊戲。有港媽曾推住「士的車」排隊玩遊戲，惟他目測車內的男童身高未能過關，於是請對方起身度高。怎料此時港媽開始發難，質問：「我個仔夠高，點解要度？」職員隨即向她解釋，「如果你覺得真係夠高，度嚟又有咩所謂？」。

惟港媽續說：「你把尺錯呀！總之我個仔一定夠高，佢一定要玩。」職員表示當時比較忙，於是請保安員代為解釋，但港媽繼續發難，惡言中傷職員「黐線」，更表示要職員的姓名，要到接待處投訴他：「我要你依家放下手頭上嘅工作，只係招呼我一個，帶我過去接待處。」職員表示不想因為她的設訴而令其他小朋友沒得玩，港媽於是拿起電話，表示要拍低職員的樣子放上社交網站，但因為電話放得太近，職員表示「一驚就推開佢手」。港媽見狀隨即高呼職員打人，要報警拘捕對方，更揚言「告佢傷人坐監」等。

警察其後到場，港媽表示被職員打，要求驗傷又要求職員道歉，否則會告到職員坐監為止。不過職員堅拒道歉，港媽最終敗下「死死氣」地離開。職員最後在文中慨嘆：「為咗想俾個仔玩真係咩都做得出！」

帖文引起網民討論，有人留言表示：「我聽講過有啲阿媽會幫個小朋友放包紙巾落對鞋度，等個小朋友可以高多2cm。」、「呢啲情況出咗事嘅話，保險肯定唔會賠，仲要影響埋活動場地同想玩嘅人。」、「呢啲人自私自利， 一啲危機意識都冇。」