大四喜酬金分大細份 劉丹在家練歌獲小糯米伴舞

劉丹、羅樂林、黎彼得及陳榮峻組成「大四喜」宣傳新節目，四人早前憑人氣殺出香港，到澳門以組合形式登台，問到可有工作要求四人以組合表演？黎彼得笑說：「多到數唔到，推晒之嘛！我哋不會咁濫。（因為酬勞要分四份唔吸引？）我哋分大細份，丹爺的最大份！」

今次再以Rap宣傳節目，四人都表示好開心，問到有否相約練歌？黎彼得笑言：「各有各練喎！在廁所練！陳榮峻就抱住老婆（吳香倫）在家中兩個人晚晚抱住練囉，丹爺就抱住個孫女練！」提到孫女小糯米，劉丹即時笑不攏嘴，問到孫女可認得他？劉丹笑說：「跳埋舞添！但冇唱埋一份，可能佢諗緊爺爺幾廿歲人都唔知做緊乜！」